Skeiðið er ætlað tær, sum hevur lítlar ella ongar royndir við WordPress, ella sum ikki arbeiðir regluliga við WordPress og tí hevur tørv á at fríska grundleggjandi vitan upp.
Hetta er eitt praktiskt skeið, har tú arbeiðir beinleiðis við tíni egnu WordPress-heimasíðu. Vit fara stig fyri stig ígjøgnum tær mest vanligu uppgávurnar, so tú verður tryggari í at dagføra og umsita heimasíðuna.
Tú lærir millum annað at stovna og rætta síður, leggja tekst, myndir og video inn, arbeiða við blokkum, seta formularar upp og installera plugins. Vit fara eisini ígjøgnum grundleggjandi stillingar og vísa tær, hvussu tú finnur teg til rættis í WordPress.
Undirvísararnir taka sær góðar stundir at hjálpa hvørjum einstøkum luttakara. Tú fært tí eisini høvi at arbeiða við ítøkiligum spurningum og avbjóðingum á tíni egnu heimasíðu og fáa hjálp til júst tað, tú hevur tørv á.
Vit vænta, at tú hevur eina WordPress-heimasíðu, sum tú hevur atgongd til og kanst arbeiða við undir skeiðnum. Hav tí teldu og innritingarupplýsingar við.
